𝗠𝘂𝗻𝗮𝗮𝘀𝗮𝗯𝗮𝗱𝗱𝗮 𝗠𝗮𝗮𝗹𝗶𝗻𝘁𝗮 𝗖𝗮𝗮𝗹𝗮𝗺𝗶𝗴𝗮 𝗮𝗵 𝗲𝗲 𝗛𝗮𝘄𝗲𝗲𝗻𝗸𝗮 𝗮𝘄𝗴𝗲𝗲𝗱, 𝗤𝗮𝗿𝗮𝗺𝗮𝗱𝗮 𝗠𝗶𝗱𝗼𝗼𝗯𝗮𝘆 𝘄𝗮𝘅𝗮𝘆 𝘀𝗼𝗼 𝗱𝗵𝗼𝘄𝗲𝘆𝗻𝗮𝘆𝘀𝗮𝗮 𝗵𝗼𝗿𝘂𝗺𝗮𝗿𝗸𝗮, 𝘄𝗮𝘅𝗮𝘆𝗻𝗮 𝗸𝘂 𝗯𝗮𝗮𝗾𝗮𝘆𝘀𝗮𝗮 𝘁𝗮𝗹𝗹𝗮𝗮𝗯𝗼𝗼𝘆𝗶𝗻 𝗴𝗼’𝗮𝗮𝗻-𝗾𝗮𝗮𝗱𝗮𝘀𝗵𝗼 𝗹𝗲𝗵 𝘀𝗶 𝗹𝗼𝗼𝗴𝗮 𝗴𝘂𝗻-𝗴𝗮𝗮𝗿𝗼 𝗮𝗿𝗿𝗶𝗺𝗮𝗵𝗮 𝘀𝗶𝗻𝗻𝗮𝗮𝗻𝘁𝗮 𝗷𝗶𝗻𝘀𝗶𝗴𝗮 𝗲𝗲 𝗦𝗼𝗼𝗺𝗮𝗮𝗹𝗶𝘆𝗮

Mogadishu – Munaasabadda Maalinta Caalamiga ah ee Haweenka awgeed, Qaramada Midoobay ee Soomaaliya waxay ugu hambalyeyneysaa haweenka Soomaaliyeed dadaalkooda joogtada ah iyo guulaha ay ka gaareen horumarinta ka-qaybgalka siyaasadda ee haweenka uga aaddan geeddi-socodka nabadda, xasilloonida siyaasadeed, iyo horumarka dalka.

“Haweenka Soomaaliyeed waxay si mug leh ugasii qaybqaadanayaan dadaallada nabadaynta iyo dib-u-heshiisiinta – Waxaan ugu hambalyeynayaa guulaha ay ka gaareen horumarinta sinnaanta jinsiga iyo ka-qaybgalka buuxa ee haweenka ee dhammaan qaybaha nolosha," ayuu yiri Ku-Simaha Ergeyga Gaarka ah ee Xoghayaha Guud ee Qaramada Midoobay u qaabilsan Soomaaliya, James Swan.

“Si kastaba ha ahaatee," ayuu raaciyay, "Haweenka Soomaaliyeed ayaa weli la kulmaya caqabado isku xiran iyo eex, taas oo adkeyneysa in la xaqiijiyo sinaanta jinsiga, waxaana ku boorrinayaa madaxda Soomaaliyeed inay qaadaan tillaabooyin degdeg ah oo go'aan ku qotoma si loo gaaro sinnaanta jinsiga.”

alkudhegga sandkan ee Maalinta Caalamiga ah ee Haweenka waa ‘Dardargelinta Waxqabadka.’ Halkudheggaasi wuxuu iftiiminayaa in,haddii lagusii socdo heerka xawaaraha ee horumarka hadda jira, ay qaadan doonto ilaa 2158ka – qiyaastii shan fac hadda ka dib – si loo gaaro sinnaanta jinsiga ee adduunka. Sidaas awgeed, waxaa jirta baahi degdeg ah oo loo qabo in wax laga qabto caqabadaha isku xiran iyo eexda ay la kulmaan haweenka.

Maalinta caalamiga ah ee Haweenka ayaa laga xusayay daafaha dunida tan iyo sanadkii 1975-kii markaas oo Qaramada Midoobay ay billowday xuska maalintan, si loogu dabaaldego guulaha bulsho, dhaqaale, dhaqan iyo siyaasadeed ee haweenka.